சாகுல் ஹமீது

பிறந்த ஊர் தேனி மாவட்டத்திலுள்ள கம்பம். உத்தமபாளையம் ஹாஜி கருத்தராவுத்தர் ஹௌதியா கல்லூரியில் இளங்கலைத் தமிழ் முடித்திருக்கிறார். சிறு வயதிலிருந்தே புத்தக வாசிப்பின் மீது அதிக ஆர்வம் கொண்டவர். பள்ளி, கல்லூரியில் மேடைப்பேச்சிலும் ஈடுபட்டதுண்டு. பள்ளியில் எட்டாம் வகுப்பு படிக்கும்போது ஒரு போட்டிக்காக மஹாபாரதம் குறித்த ஒரு கட்டுரை எழுதியதே இவருடைய முதல் எழுத்துப் பதிவு. பள்ளி நாட்களிலேயே சமூக ஊடகங்களில் தொடர்ந்து பதிவுகள் எழுதத் தொடங்கியவர். கல்லூரியில் முதலாமாண்டு படிக்கும்போது ‘தஸ்தயேவ்ஸ்கியின் புனிதக் கோப்பை’ என்னும் தலைப்பில் இவர் எழுதிய கட்டுரை மகாகவி சிற்றிதழில் வெளியானது. மூன்றாமாண்டு படிக்கும்போதுதான் காலச்சுவடு இதழில் ‘காந்தி புன்னகைக்கிறார்’ கதை வெளியாகி மிகுந்த வரவேற்பு பெற்றது. இக்கதையை மாத்யமம் இதழுக்காக மலையாள எழுத்தாளர் சந்தியா மலையாளத்தில் மொழிபெயர்த்துள்ளார். ‘காஃப்காவின் காதுகள்’ இவருடைய இரண்டாவது சிறுகதை. தொடர்புக்கு: rabi786mohamed@gmail.com